Basha: Nga 2012, kartë për shërbime falas për 80 mijë studentë

Nga viti i ardhshëm akademik, 80 mijë studentët e Tiranës do kenë kartën e studentit, tha kandidati i koalicionit "Aleanca për Qytetarin" për kryetar i Bashkisë së Tiranës, Lulzim Basha, në bashkëbisedim me studentët e një Universiteti privat.
Karta do t’u mundësojë studentëve lehtësira në transportin publik, frekuentimin e institucioneve kulturore dhe në shërbime publike dhe private në Tiranë.
Basha ripërsëriti prioritetin e tij për shtimin e vendeve të punës ku studentët do të jenë përfituesit kryesorë. Ai tha se parashikon hartimin e politikave zhvillimore në bashkëpunim me 5000 pedagogët e 80 mijë studentët që ka sot Tirana.