Basha: 180 mijë vota pa u numëruar, PS të mos bllokojë procesin

TIRANE – Lajmifundit – Kandidati i Partisë Demokratike Lulzim Basha ka bërë thirrje pak çaste më parë që procesi i numërimit të votave të vazhdojë normalisht.
Basha denoncoi bllokimin e numërimit “nga pala tjetër në qendrat që favorizojnë PD-në”, duke theksuar se numërimi deri tani është zhvilluar në qendrat që favorizojnë Partinë Socialiste.
“Ka edhe 180 mijë vota, duhet të numërohen me qetësi e transparencë”, tha Basha. Ai përsëriti se është i vendosur të respektojë numërimin e çdo vote.
“Bazuar në të dhënat e mia, kam besim në konfirmimin e fitores së shumëpritur në Tiranë”, theksoi Basha.