Armenia nuk e njeh pavarësinë e Kosovës

Presidenti i Serbisë, Boris Tadiq, dhe homologu i tij vizitues armen Serzh Sargsyan janë dakorduar të hënën se zgjidhja më e mirë konflikteve rajonale është nëpërmjet negociatave dhe mjeteve paqësore. Gjatë vizitës shtetërore të Sargsyanit në Beograd, të dy presidentët, që janë nga dy rajone ku paqja nuk është e qëndrueshme - Ballkan dhe Kaukaz, thanë se do të kërkojnë zgjidhjen e konflikteve të vjetra nëpërmjet masave të reja, raportoi agjencia kineze e lajmeve Xinhua. “Mbajtja e paqes dhe stabilitetit është e rëndësishme për qytetarët tanë dhe vendet ku ne jetojmë dhe që me shekuj kanë qenë të prekura nga shkatërrimi dhe të spastrimit etnik, dhe kjo duhet të ndryshojë”, ka thënë Tadiq. Në frymën e zgjidhjeve të negociuara, Sargsyan tha se Armenia nuk do ta njohë pavarësinë e Kosovës që është në kundërshtim me interesat e Serbisë.