Brunei Darusalam njeh pavarësinë e Kosovës

Brunei Darusalam njeh pavarësinë e Kosovës
Ministri i punëve të jashtme të shtetit aziatik, Brunei Darusalam, nëpërmjet një letre dërguar ministrit të punëve të jashtme të Kosovës, ka konfirmuar njohjen zyrtare të pavarësisë së Kosovës nga ky shtet

Prishtinë – Ministri i Punëve të Jashtme dhe i Tregtisë i Brunei Darusalamit, Mohamed Bolkiah, përmes një letre dërguar ministrit të Punëve të Jashtme të Kosovës, Enver Hoxhaj, ka konfirmuar njohjen zyrtare të Republikës së Kosovës nga ky shtet.*
Lajmin e bën të ditur deklarata dërguar mediave nga Ministria e Jashtme kosovare.
Sot ministri Hoxhaj po ashtu ka zhvilluar një bisedë telefonike me Ambasadorin e këtij shteti në Organizatën e Kombeve të Bashkuara në New York, Latif Tuha, i cili ka përcjell përshëndetjet të përzemërta të ministrit të jashtëm dhe i ka konfirmuar ministrit Hoxhaj njohjen e zyrtare nga Brunei Darussalam.
Me këtë rast, Ministri Hoxhaj është ftuar në një vizitë zyrtare në këtë shtet.
Brunei Darussalam është shteti i 90-të që njeh shtetin sovran dhe të pavarur të Kosovës. Brunei Darusalam ndodhet në Azi. (LajmeShqip.com)