Dominika njeh pavarësinë e Kosovës

Sat 8 Dec 2012 - 18:21

Dominika është shteti i radhës që njeh shtetin e Kosovës, njofton zyra e zëvendëskryeministrit, Behxhet Pacolli. Në një komunikatë të lëshuar për medie, konfirmimi i njohjes thuhet se ka ardhur gjatë një darke zyrtare që Pacolli ka zhvilluar me kryeministrin dominikan, Roosvelt Skerrit në Paris. “Kryeministri Skerrit, i cili ishte i shoqëruar nga ambasadori i vendit të tij në OKB, i konfirmoi zëvendëskryeministrit Pacolli se shteti i tij ka vendosur që të njohë Kosovën si shtet të pavarur dhe sovran, ndërsa formalizimi do të bëhet në mbledhjen e radhës të Qeverisë së këtij shteti, javën e ardhshme”, nënvizohet veç të tjerash në komunikatën e zyrës së Pacollit. /mesazhi/