Medikament i ri kundra kancerit

Shumë pranë përgatitjes së një medikamenti të ri kundra kancerit ndodhen shkencëtarët Britanikë të Institutit të Kërkimeve Kanceroze. Tableta e cila synon të luftojë sëmundjen e rëndë, mban emërtimin Olaparib, dhe sipas eksperimenteve të deritanishme, shfaqet të jetë i vetmi medikament i cili ka aftësinë të shenjestërojë qelizat kanceroze, dhe te lë te paprekura qelizat e shëndetëshme të organizmit, duke përkufizuar paralelisht efektet anësore të terapisë në nivele më të ulta. Medikamenti është provuar në 18 pacientë me forma të ndryshme trashëgimie të kancerit, të mitrës, gjirit dhe prostatit. 12 prej të cilëve shfaqën përmirësime të dukshme, domethënë zvogëlim tumori, ose stabilizim të gjendjes së tyre shëndetësore. Megjithatë, shkencëtarët theksojnë se Olaparib duhet të përdoret tek më shumë pacientë, para se të aprovohet nga Organet Kompetente Britanike.