KINË Operohet burri me gjinjtë sa topat e futbollit

Kinezi Guo Qingpo gjithmonë ka vuajtur për shkak të gjinjve të tij të mëdhenj sa dy topa futbolli, ndërsa tash pas një operacioni të gjatë dhe të vështirë mjekët ia hoqën të dy gjinjtë. Qingpo (50 vjeç) vuan nga një çrregullim i quajtur ginekomastia, respektivisht forma ekstreme e këtij çrregullimi. Gjinjtë e tij u rritën papritmas më 2008, që e detyroi atë të kërkoj ndihmë mjekësore. Spitali në Dezhou, në provincën e Shandongut, grumbulloi 20 ekspertë nga tetë rajone mjekësore për të gjetur një zgjidhje dhe për ta shëruar Qingpoan. Në fund, mjekët vendosën se operacioni është opsioni më i mirë. Një ekip prej dhjetë ekspertësh ka punuar në njërin gji. Të dy gjinjtë peshonin rreth pesë kilogramë. Kinezi doli nga spitali në prill të këtij viti, pas një muaj shërimi.