Gorillat përdorin iPad

Disa shkencëtarë në Angli po bëjnë një eksperiment të çuditshëm. Për të argëtuar më shumë gorillat në parkun e kafshëve Port Lympne (Kent), ekspertët e sjelljes së kafshëve i kanë dhënë pesë gorillave nga një aparat iPad.
Gorillat kanë mësuar shumë shpejt të fikin dhe të ndezin aparatin dhe duken të kënaqura nga ngjyrat dhe fotot që ndodhen në të.
Fakti interesant është se asnjë nga 5 aparatët që i është dhënë primatëve 3 javë më parë nuk është thyer.
Phil Ridges, menaxheri i parkut, tha për The Sun: “Menduam se gorillat do t’i përplasnin aparatet nëpër shkëmbinj, por ata po i mbajnë afër sikur të ishin fëmijë.”