Iken nga takimi romantik, dënohet me dy vjet burg

SHBA

Një mashkull nga Detroiti i cili kishte ikur nga takimi i tij i parë romantik, duke mos paguar faturën dhe duke vjedhur automjetin e femrës me të cilën po darkonte, është dënuar me dy vjet burg. Policia ka njoftuar se 34-vjeçari Terrance McCoy, në muajin prill të këtij viti, kishte darkuar me një femër 27-vjeçare në restorant. Kur kishte ardhur koha të paguajë faturën, ka thënë se e kishte harruar kuletën në automjetin e saj, i ka kërkuar asaj çelësat dhe ia ka mbathur bashkë me automjetin e saj. Avokati i McCoy kishte thënë se klienti i tij ishte “njeri i mirë, i cili nuk ka bërë gjë tjetër, veçse ka marrë një vendim të gabuar”.