Koreania këndon 979 këngë dhe humbet ndjenjat

Një grua koreane ka kënduar 979 këngë, duke vendosur kështu një rekord botëror, para se të shembet në tokë e raskapitur nga lodhja. Kim Seok, këndoi për 59 orë, 48 minuta, duke kaluar me 36 minuta rekordin botëror të vendosur vitin e kaluar nga një gjerman. Një vëzhgues i librit “Guinness” i rekordeve botërore ishte i pranishëm, por ende nuk e ka zyrtarizuar rekordin e Kim-it. Ashtu siç e lejojnë rregullat, ajo bëri 10 minuta pushim çdo një orë. Para ngjarjes, Kim u tha reporterëve se hyri në garë vetëm për një arsye me shumë rëndësi për të, për të inkurajuar burrin e saj, i cili vuan nga një tumor në tru. Kjo ngjarje do t’i jepte atij më shumë forcë.