Dyshime në aftësinë e Greqisë për rimëkëmbje

Sipas vlerësimit të Komisionit Evropian grekëve do t'u duhet t'i përballojnë problemet e tyre të huave pa ristrukturimin e tyre. Një ristrukturim i tillë (heqja dorë prej kreditorëve ose zgjatja e shlyerjes së kredive) mund të përjashtohet përfundimisht në Greqi, theksoi komisari i monedhës Olli Rehn në takimin e ministrave të financave në Gödöllö të Hungarisë. Ka një program bindës reformash të qeverisë së Athinës, i cili duhet zbatuar, tha Rehn. Nga ana tjetër ministri gjerman i financave Wolfgang Schäuble tha, se është e paparashikueshme, nëse zgjatja e vendosur para pak kohësh për kohëzgjatjen e kredive të ndihmës mjafton për t'i bërë të kontrollueshme deficitet e vendit. Ai shtoi, se aktualisht nuk donte të spekulonte për ristrukturimin e huave shtetërore greke. Revista informative e Hamburgut "Der Spiegel" shkruan, se ministrat e financave të shteteve të rëndësishme të eurozonës kanë shprehur gjatë një konference telefonike dyshime, nëse me gjithë programin e tyre të rreptë të kursimeve grekët janë në gjendje ta mbajnë vetë barrën e huave.