Skrapar, shpërthen predha gjatë demontimit, një i vdekur, dy të plagosur

SKRAPAR – Lajmifundit - Një person gjeti vdekjen sot si pasojë e një aksidenti të ndodhur gjatë demontimit të predhave ushtarake në Skrapar. Policia njoftoi se shtetasi Agim Mekollari mbeti i vdekur gjatë procesit të demontimit, pasi predha që kishte në dorë i shpërtheu, duke i marrë jetën pa shpresa mbijetese.
Policia saktësoi se ngjarja tragjike ndodhi në repartin ushtarak të Pigazit. Njoftohet gjithashtu se si pasojë e aksidentit kanë mbetur të plagosur edhe dy persona të tjerë, të cilët janë dërguar me urgjencë me helikopter drejt Spitalit Ushtarak në Tiranë.
Në lidhje me ngjarjen kanë nisur hetimet nga një grup oficerësh të policisë dhe prokurorisë që shkuan në vendin e aksidentit në repartin ushtarak për hetimin e ngjarjes.