Atentat ne Shijak, dy te vdekur e dy te plagosur

Një atentat me pasojë vdekjen e dy personave dhe plagosjen e dy të tjerëve ka ndodhur në orët e vona të së mërkurës në Shijak.

Ngjarja ka ndodhur në zonën e njohur si “4 rrugët e Shijakut” ku mësohet se eshte goditur me armë zjarri automjeti ku ndodheshin katër qytetarë. Deshmitaret kane thene se ka qene nje person i vetem qe i ka dale perballe makines dhe ka qelluar me bresheri automatiku duke vrare dy prej personave si dhe duke plagosur dy te tjeret.

Paraprakisht është njoftuar se personat që ndodheshin në automjet jane identifikuar si: Blerim Kertalla, Maringlen Avdullai, Altin Brahimi dhe Altin Abdyli. Ata udhetonin me nje automjet fuoristrade Mercedes Benz ML me targa te huaja.

Nga ky sulm dy prej tyre kanë humbur jetën dhe dy të tjerët janë plagosur rëndë. Policia ka mbërritur në vendin e ngjarjes dhe po heton për të zbardhur rrethanat e për të identifikuar autoret.