Laç, vrasja e vëllait të Sadri Abazit, pas sherrit të momentit në kazino

LAÇ – Lajmifundit – Policia deklaroi se vrasja e shtetasit Projet Abazi, vëllai i deputetit të PS, Sadri Abazi, ndodhur sot në Laç, ka pasur si motiv një sherr të momentit.
Bëhet e ditur se shtetasi Projet Abazi, 42 vjeç, nga Dibra dhe banues në Tiranë, ka pasur konflikt me një person të vetëm në një kazino në qytetin e Laçit.
Konflikti nga verbal ka kaluar në fizik dhe më pas në përdorimin e armëve të zjarrit.
Viktima Projet Abazi kishte aktivitet biznesi në Tiranë.

Laç, vritet në kazino vëllai i deputetit të partisë Socialiste

LAC - Lajmifundit - Ekzekutohet me armë zjarri në qytetin e Laçit, shtetasi Projet Abazi. Lajmi u bë i ditur nga policia lokale që tha se shtetasi Projet Abazi, 42 vjeç, vëllai i deputetit të PS, Sadri Abazi, është vrarë me armë mbrëmjen e sotme.
Njoftohet se ngjarja ka ndodhur në një kazino të qytetit të Laçit.
Policia ka shkuar menjëherë në vendin e ngjarjes dhe ka nisur hetimet për krimin.