Vrasja pas sherrit për femra në Tiranë, policia: Dy të arrestuar

Thu 8 Sep 2011 - 17:17

Tirane – Lajmifundit – Policia e kryeqytetit doli në një deklarate për median në lidhje me ngjarjen e ndodhur dje në Tiranë ku mbeti i vravë një person dhe u plagosën dy të tjerë.Sipas burimeve zyrtare nga policia, në lidhje me ngjarjen janë arrestuar shtetasit Jakup Shahu dhe Agron Misiu.Ata akuzohen se kanë vrarë shtetasin Arjan Mejdani dhe kanë plagosur shtetasit Sajmir Mejdani dhe Arben Muharremi.DEKLARATA E POLICISEMbrëmë rreth orës 20.40’ në rrugën “Irfan Tomini”, në Tiranë është vrarë me armë zjarri shtetasi Arjan Mejdani 28 vjeç, si dhe janë plagosur shtetasit Bujar Mejdani dhe Arben Muharremi.Menjëherë në vendngjarje shkuan shërbime të Komisariatit të Policisë Nr.2, Tiranë, Oficerë të Hetimit të Krimeve të Rënda dhe Ekspertë Kriminalistë, të cilët bënë të mundur sigurimin dhe kqyrjen e vendit të ngjarjes, duke mbledhur dhe administruar provat në vendngjarjePër hetimin e kësaj njgjarje, u ngrit menjëherë një grup i posaçëm hetimor, nënndrejtimin e Drejtorit te Policisë së qarkut Tiranë, të cilët kryen procedurat e marrjes në pyetje dhe veprimeve të tjera hetimore e proçeduriale.

Sa më sipër, si rezultat i hetimeve të shpejta dhe të gjithanshme me metoda speciale të hetimit, dhe një pune të mirë organizuar në bashkëpunim me Prokurorinë e Rrethit Gjyqësor Tiranë, u bë i mundur dokumentimi, kapja dhe më pas arretimi në flagrancë i autorëve të dyshuar të kësaj ngjarje :

1. Jakup Qemal Shahu, 38 vjec, lindur në Tiranë dhe banues në Tiranë,

2. Agron Gëzim Isiu, 31 vjec, lindur në Tiranë dhe banues në Tiranë,

Arrestimi i këtyre shtetasve është bërë pasi mbrëmë në rrugën “Irfan Tomini” në Tiranë, për motive xhelozie, shtetasi Jakup Shahu dyshohet se automatik ka vrarë me armë zjarri, shtetasin Arjan Mejdani.

Më pas për të njëjtin motiv, shtetasi Agron Isiu, ka tentuar të vrasë me armë zjarri automatik shtetasit Bujar Mejdani dhe Arben Muharremi, të cilët aktualisht ndodhen në Spitalin Ushtarak jashtë rrezikut për jetën.

Pas kryerjes së kësaj vepre penale të dy autorët e saj janë larguar nga vendi i ngjarjes dhe nga forcat e Drejtorisë së Policisë Tiranë, në bashkëpunim me Komisariatin e Policisë Nr.2 Tiranë, është bërë e mundur kapja dhe arrestimi të dy autorëve.

Gjatë kqyrjes së vendit të ngjarjes, janë sekuestruar me cilësinë e proves materiale, një pistoletë e kalibrit 7.62 mm, model 54 T.T, me nje kreher automatiku me fisheke.

Materiali i dërgohet Prokurorisë së Rrethit Gjyqësor Tiranë, duke ja referuar për vepren penale të “Vrasjes me Dashje ” dhe “Mbajtjes pa Leje të Armëve dhe Municionit Luftarak”, parashikuar nge nenet 76 dhe 278/2 te K.Penal , ne ngarkim te shtetasit Jakup Shahu dhe “Vrasjes me Dashje” e mbetur ne tentative dhe “Mbajtjes pa Leje te Armeve dhe Municionit Luftarak”, parashikuar nge nenet 76 22 dhe 278/2 te K.Penal