Përleshja në Lezhë, plagosen kandidatët e PD e PS për komunën Blinisht

LEZHE – Lajmifundit – Dy kandidatët për kryetarë komune në Blinisht të Lezhës, mbetën të plagosur si pasojë e një përleshje fizike mes tyre.
Lajmi është bërë i ditur me anë të një deklarate për median nga policia e Lezhës e cila theksoi se kandidati i PD-së, Jak Zhupa është konfrontuar me mjete të forta me Zef Hilën, kandidat i Aleancës për të Ardhmen. Incidenti mësohet se ka ndodhur tek ura e fshatit Fishtë, komuna Blinisht.
"Si pasojë ka marrë dëmtime trupore kandidati i subjektit PS, Zef Hila, i cili po merr mjekime në spitalin Lezhë dhe ndodhet jashtë rrezikut për jetën", tha policia.
Burimet e njëjta thanë se nga përleshja ka mbetur i dëmtuar edhe kandidati demokrat për komunën Blinisht.