Vlorë, grabitet me dhunë 31-vjeçari, i marrin makinën e paratë

VLORE – Lajmifundit – Policia e Vlorës identifikoi dhe shpalli në kërkim një shtetas të akuzuar për grabitje me dhunë ndaj një 31-vjeçari të cilit i janë marrë automjeti i tij, sendet personale dhe një shumë parash.
Drejtoria e policisë së Vlorës informoi se ka filluar procedim penal në ngarkim të shtetasitn Klodian Kostandin Kili, 29 vjec, banues në lagjen “28 Nëntori”.
Policia tha se çrocedimi penal ndaj këtij shtetasi filloi pasi dyshohet se rreth orës 20:00 të datës 06.05.2011, në lagjen “Rilindja” ka vjedhur me dhunë automjetin tip vetur “DAEVVOO” me targa VL 6528 C, në pronësi të shtetasit I. Xh., 31 vjec, banues në lagjen “28 Nëntori”.
Autori i ngjarjes mësohet se e ka rrahur të dëmtuarin dhe më pas i ka marrë dhe një aparat
telefoni celular si dhe 6.000 lekë. Policia tha se pas identifikimit të autorit të ngjarjes ka nisur punën për arrestimin e tij.