Kriza greke ul vlerën e euros

Euro ka rënë me më
shumë se 1 për qind ndaj dollarit, pas lajmeve se Greqia po shqyrton
mundësinë e braktisjes së monedhës së përbashkët.


Revista gjermane “Der Spiegel”
raporton se një takim u zhvillua të premten, në të cilin u diskutua
mundësia që Greqia të përdorë sërish valutën e saj.

Megjithatë, ky opsion është përgënjeshtruar me rreptësi nga Athina
zyrtare dhe më pas nga Gjermania. Gjithësesi, vetëm më vonë u konfirmua
se ministrat nga pesë vende të eurozonës ishin takuar në Luksemburg.

Përfaqësuesit e Gjermanisë, Francës, Italisë, Spanjës dhe Greqisë thuhet
se kanë diskutuar cështje të brendshme të BE, përfshirë këtu situatën
financiare në Portugali, Irlandë dhe Greqi.