Dy vazhdime të radhës për “Avatar”?

James Cameron tashmë ka filluar planifikimin e vazhdimeve të hit-filmit të tij “Avatar”.
Filmi fantastiko-shkencor ka thyer të gjitha rekordet duke u bërë filmi më i suksesshëm i të gjitha kohërave, ashtu që ia rrëmbeu titullin e filmit më fitimprurës, filmit tjetër të Cameron, “Titanic”.

Përveç shikueshmërisë, “Avatar” është vlerësuar lartë edhe nga ekspertët e filmit, me ç’rast ka marrë nëntë nominime nga Academy Awards.

Ndërsa tani, në një intervistë për revistën Empire, filmbërësi Cameron ka thënë se e ka të gatshme fabulën bazë për dy vazhdime të radhës, mirëpo njëherë do të presë dhe të vlerësojë buxhetin e filmit aktual. /