Berat, merr flakë në ecje autobusi me nxënës, shkonin në ekskursion në Sarandë

BERAT – Lajmifundit – Një autobus me nxënës ka marrë flakë sot në Qafën e Sqepurit në rrugën mes Fierit dhe Beratit.
Veç panikut në radhët e nxënësve ngjarja nuk ka shkaktuar pasoja të tjera. Autobusi mësohet se ishte nisur nga Berati në drejtim të Sarandës.
Zjarri ka shpërthyer në pjesën e pasme të mjetit.
Menjëherë shoferi ka ndaluar autobusin prej nga kanë dale nxënësit që ndodheshin brenda. Ata ishin nisur për ekskursion në Sarandë.
Drejt vendit të ngjarjes janë nisur shërbimet e zjarrfikëseve të Fierit. Autobusi është djegur plotësisht ndërsa policia ka nisur hetimet në lidhje me ngjarjen.