BE mund të rikthejë vizat për Serbinë dhe Maqedoninë

BRUKSEL—Lajmifundit– Komisioni Evropian do të propozojë nesër rikthimin e regjimit të vizave shenjen për vendet e Ballkanit Perëndimor qytetarët e të cilave kanë abuzuar me liberalizimin. Masa e ndëshkimit do të bëhet për vende si Serbia e Maqedonia të cilat rezulton se kanë dështuar në përpjekjen për të bindur qytetarët të përfitojnë nga avantazhet e liberalizimit pa shkelur ligjet duke kërkuar azil politik apo ekonomik në 27 vendet e Bashkimit Evropian. Nisur nga kërkesat e shumta për azil, komisionerja evropiane për çështjet e brendshme Cecilia Malmstrom do të propozojë rregulloren që do të lejojë rikthimin e vizave. Referuar agjencisë AFP, sanksionet do të vihen në jetë me opinionin e shumicës së vendeve të Bashkimit Evropian. Mekanizmi i sigurisë u prezantua nëntorin e shkuar pak përpara se nga liberalizimi të përfitonin edhe qytetarët e Shqipërisë dhe Bosnje Hercegovinës por ai është aplikuar edhe për rastet e Maqedonisë, Malit të Zi dhe Serbisë. E ndeshur me një numër të madh azilkërkuesish etnik shqiptar apo edhe rom nga Serbia dhe Maqedonia, Belgjika ka autorizuar ministrin e saj të migracionit Melchior Wathelet të shprehë shqetësimin në Beograd. Propozimi i Malmstrom do të kalojë për miratim në Këshillin e ministrave të brendshëm në 9-10 qershor në Luksenburg.