Aksidenti “vret” 15-vjeçarin në Durrës, policia: Autori në kërkim

DURRES – Lajmifundit – Policia e Durrësit është vënë në kërkim të autorit të një aksidenti që shkaktoi vdekjen e një 15-vjeçari.
Lajmi bëhet i ditur nga burime të policisë të cilat thanë se ngjarja ka ndodhur në orët e mëngjesit të sotëm në fshatin Rrushkull, 30 km në veri të Durrësit.
Sipas policisë, 15-vjeçari D.K, po lëvizte me biçikletë kur është goditur për vdekje nga një automjet ende i paidentifikuar.
“Automjeti është larguar menjëherë nga vendngjarja dhe po punojmë për identifikimin e tij dhe të drejtuesit”, kanë thënë zyrtarët e policisë lokale.