Dollari amerikan “bie”, euro rritet në 142 kundrejt lekut

Në tregun vendas të këmbimit valutor, këtë fundjavë dollari amerikan ra deri në nivelin më të ulët të kursit ndaj lekut që prej fillimvitit 2011, ose shprehur ndryshe, në minimumin e 6 muajve të fundit. Një dollar është këmbyer sot me 97,30 lekë, kundrejt vlerës 99.10 lekë që u këmbye në fillimjavë. Analistët kanë parashikuar dobësim të mëtejshëm të dollarit, ndërsa disa prej tyre paralajmërojnë për kujdes, pasi ky dobësim mund të jetë edhe i përkohshëm. Ndërsa monedha e përbashkët europiane ka shënuar një rritje të lehtë ndaj lekut, duke u këmbyer me 142,30 lekë, në krahasim me 141.50 lekë që blihej të hënën.