Shkon në disko, lë vajzën 2 vjeçe në veturë!

Sun 12 Jun 2011 - 20:18

Alghero, 12 qershor - Një nënë italiane, më shumë e përkushtuar pas kënaqësive të saj se sa ndaj fëmijës dy vjeçare, e ka lënë atë në veturë për të shkuar në disko. Mësohet se gruaja e ka lënë vajzën e saj 2 vjeçe e gjysmë në veturën e parkuar jashtë klubit të natës, ku kishte shkuar për të kërcyer bashkë me një mik të saj.

Vajza që qante është pikasur afër mesnatës nga një kalimtar i rastit, i cili ka njoftuar karabinierët. Pas mbërritjes në vendngjarje, policët kanë liruar vajzën dhe kanë gjetur nënën e saj në brendësi të lokalit.

Menjëherë më pas gruaja është paditur për braktisje të miturish, ndërsa nga ana e policisë po hetohet nëse ka pasur raste të tjera të ngjashme më parë, raporton agjencia Noa.