Transportonin mariuanë nga Lazarati në Tiranë, tre persona në pranga

Lajmifundit—Policia sekuestron 7 pako me lëndë narkotike të lljit mariuanë. Uniformat blu të qytetit të Gjirokastrës kanë mundësuar edhe vënien nën pranga të tre personave që kishin në zotërim lëndën narkotike. Të arrestuarit janë Deni Çela, 22 vjeç , Albi Daja 20 vjeç, të dy nga Tirana si dhe Eduart Feraj 21 vjeç futbollist i skuadrës së Rubikut -Rrëshen, kategoria e dytë. Nga të dhënat paraprake të policisë këta tre persona po udhëtonin me mjetin e tyre tip Benz ndërsa kanë hasur në postobllokun e policisë në zonën e Ujit të Ftohtë. Dy prej tyre kishin marrë një çantë dhe kanë zbritur duke u future në drejtim të pyllit. Ndërhyrja e policisë ka mundur të sekuestrojë drogën dhe ndaloi tre personat. Droga sipas të dhënave të policisë ishte marrë nga Lazarati dhe do të dërgohej në Tiranë.