Po “piqen” në Turqi

Wed 22 Jun 2011 - 1:54

Yjet e estradës kosovare kanë zgjedhur si destinacion të tyre Turqinë sivjet për pushime, pak kohë para se të fillojnë mbrëmjet nëpër kafetë e Durrësit dhe të Ulqinit dhe këtë gjatë qershorit. Janë katër këngëtare, Nora Istrefi, Genta Ismajli, Tuna dhe Ryva Kajtazi që për momentin janë në Turqi, përderisa javën e kaluar në këtë shtet ishin edhe Blero me disa këngëtarë, por edhe prezantues emisionesh, ku edhe xhiroj një spot i cili u dha premierë nëpër televizionet kosovare. Normalisht për ekzlusivitet u përkujdes ekipi i Klan Kosovës, pasi që në spotin e Bleros është edhe Liberta, prezantuese e emisionit “Prive”. Askush nuk di pse kanë shkuar katër këngëtaret kosovare në Turqi. Janë atje për ndonjë klip, për ndonjë “thyerje” siç shkruan Tuna në profilin e saj në Facebook, apo për pushim dhe punë njëkohësisht, apo ndonjë kampanjë marketingu. Zakonisht, këngëtarët kosovarë pak para verës realizojnë spote të ndryshme, sepse gjatë muajve të verës vështirë është t’i gjesh të lirë. Në foto në bikini katër bukuroshet shqiptare që për momentin janë në Turqi: Ryva, Genta, Tuna dhe Nora.