Forumi ekonomik Shqipëri-Izrael, Berisha: Kemi taksat më të ulëta

TIRANE—Lajmifundit– “Vendi jonë ka mjedis të qetë për biznesin. Shqipëria ka taksat më të ulëta dhe ne jemi të vendosur të krijojmë një klimë biznesi sa më të përshtatshme për investitorët”. Ky ishte premtimi dhe angazhimi i sotëm i kryeministrit Sali Berisha i cili ftoi investitorët Izraelitë të investojnë në sektorin e turizmit. Duke këmbëngulur se vendi ynë ka potenciale të mëdha zhvillimi, Berisha paraqiti në forumin ekonomik Shqipëri-Izrael edhe arritjet e qeverisë në sektorin e energjisë. Shqipëria tha Berisha nuk ofron vetëm turizmin bregdetar por edhe atë malor në të cilin është vënë re një bum turistësh.