BE: Kroacia zyrtarisht vend anëtar në vitin 2013

Kroacia zyrtarisht përmbylli negociatat me BE-në, për t’u bërë anëtari i 28-të i unionit në korrik të vitit 2013, ka njoftuar sot Komisioni Evropian.
“Shtetet anëtare vendosën që të mbyllin bisedimet për anëtarësim me Kroacinë, gjë kjo që lejon nënshkrimin e Traktatit të Anëtarësimit në fund të vitit”, ka thënë Komisioni përmes një komunikate për media.
“Pas ratifikimit të procedurave nga të gjitha shtetet anëtare, anëtarësimi i Kroacisë pritet të bëhet më 1 korrik të 2013-tës,” ka thënë Komisioni Evropian.