Rriten kontributet e fermerëve

Sun 7 Aug 2011 - 18:10

Në muajin korrik ndryshuan zinxhir të gjitha masat e kontributeve shoqërore, e lidhur kjo me ndryshimin e pagës minimale dhe asaj maksimale. Pjesë e këtyre ndryshimeve ishin edhe shtimi i kontributeve që duhet të paguajë një i vetëpunësuar në bujqësi.Nëndrejtori i Përgjithshëm i Institut të Sigurimeve Shoqërore të Shqipërisë, Ali Emini sqaron se kontributet vjetor që fermerët duhet të paguajnë tashmë janë rritur në 21 600 lekë nga 17 280 leke që ishin para muajit korrik.Emini bën thirrje të gjithë të vetëpunësuarit në këtë sektor që të paguajnë kontributet, pasi është në favor të tyre, në një kohë kur pjesa më e madhe e tyre mbulohet nga buxheti i shtetit.Gjithashtu, në mes të këtij viti u rrit edh paga minimale me 1 mijë lekë. Kërkesa për rritjen e pagës minimale u bë nga Këshilli Kombëtar i Punës, me propozim të ministrisë së linjës, e cila u pranua dhe miratua nga Këshilli i Ministrave të Shqipërisë.