OVL-UÇK: Tani është koha të fillojë zhbërja e strukturave kriminale serbe

Sun 7 Aug 2011 - 18:28

Organizata e Veteranëve të Luftës së UÇK-së mbështet marrëveshjen e arritur mes Qeverisë dhe KFOR-it për menaxhimin e situatës në veri të Kosovës, ndërsa kërkon nga Qeveria e Kosovës që me asnjë çmim të mos kthehet prapa, pasi që pasojat do të jenë të paparashikueshme për tërë rajonin.“Veteranët e luftës janë të gatshëm në çdo moment që të mobilizohen në mbrojtje të sovranitetit të Kosovës. Tani është koha që të fillohet me zhbërjen e strukturave kriminale të Serbisë dhe arrestimin e të gjithë kriminelëve që vite me radhë penguan zbatimin e ligjit dhe rendit në komunat veriore të Kosovës”, thuhet në komunikatë.OVL e UÇK-së shpreh besimin se Qeveria e Kosovës dhe KFOR-i do të punojnë në bazë të mandatit të tyre për shtrirjen e sovranitetit dhe ligjshmërisë në tërë territorin e Kosovës.