Skrapar, makina bie 200 m në humnerë, vdesin 6 të rinj

Tue 16 Aug 2011 - 15:24

SKRAPAR-Gjashtë persona kanë humbur jetën mbrëmjen e së hënës pasi makina e tyre ka rënë në kanionet e Skraparit, 200 metra lartësi. Ky është bilanci tragjik i një aksidenti automobilistik në këtë fillim jave të nxehtë gushti, pak km larg Skraparit që u mori jetën 6 të rinjve. Rreth orës 19:45 të mbrëmjes së të hënës, pranë fshatit Grepcke, në zonën pranë kanioneve të Skraparit, 2.5 km larg qytetit, kur një automjet fuoristradë tip Mitsubishi me targa angleze ka dalë nga rruga dhe ka rënë në humnerë. Ishin banorë të zonës që njoftuan për ngjarjen e rëndë. Policia ka bërë të ditur identitetin e viktimave: Vladimir Dylellari 26 vjec, drejtues mjeti, Fatjon Feka 23 vjeç, Xhulio Allko 19 vjeç, Edison Cuko 26 vjeç, Eni Guri 21 vjeç dhe Drilon Guri, 24 vjeç.Nga hetimet paraprake dyshohet si shkak i aksidentit ka qenë shpejtësia e madhe. Si pasojë drejtuesi i mjetit Dylellari, humbi kontrollin e automjtetit dhe doli nga rruga. Të martën në mëngjes janë nxjerrë trupat e gjashtë të rinjve të cilët humbën jetën një natë më parë