Babai i shqiptarëve Zvicrës: Më falni!

Rrahman R. turpërohet nga dy djemtë e tij Rasimi (31) dhe Jetoni (33). Ata në fillim të javës e prenë në fyt një politikan zviceran, duke i sjellur telashe 70 vjeçarit që jeton ndershëm në Zvicër tash e 33 vjet. “Kjo më bën shumë të pikëllueshëm. Gjithmonë e pyes veten:Pse?”, thotë Rrahmani për gazetën Blick.Pensionisti shikon në gazetë gruan dhe fëmijtë e Karl Z, dhe thotë se për pak Rasimi do ta shkatërronte një familje të tërë. Rrahmani tregon se djali më i vogël ka lindur në Zvicër dhe ka një punë të mirë. Dy të mëdhenjtë, sipas tij, kanë probleme serioze me alkoolin. Edhe pse ky i ka lutur të kërkojnë ndihmë, ata nuk e kanë bërë një gjë të tillë.“Dua t’i kërkoj falje Zvicrës. Një mijë herë dua t’i kërkoj falje familjes Zingrich për djemtë e mi.



Do të doja ta vitizoj Karlin, por e kam të vështirë. Nuk do të mund ta shihja në sy nga turpi”, thotë Rrahmani.

Ai e ka pranuar se djemtë e tij edhe në të tjera raste kanë pasur probleme me fqinjtë në lokalitetin Interlaken. Jetoni është liruar, kurse Rasimi po mbahet në burg, dhe Rrahmani thotë se nuk do të shkojë ta vizitojë.