Durrës, kapet kosovari i kërkuar për trafik armësh

Tue 6 Sep 2011 - 15:41

Policia kufitare e Durrësit ka ndaluar sot një shtetasi kosovar, i cili kërkohej nga UNMIK për trafik armësh.Lajmi u bë i ditur nga policia e Durrësit e cila theksoi se 53-vjecari Idriz Murati, lindur në Podujevë të Kosovës ishte shpallur në kërkim ndërkombetar për veprën penale “Mbajtje, trafikim, prodhim, transport të pa autorizuar të armëve”.Burimet zyrtare thanë se ai ishte dënuar me 1 vit burg nga gjykata në Kosovë pasi në korrik të vitit 2008, është kapur nga oficerët e shërbimit doganor në Pikën e Kalimit Kufitare të Vërmicës, pasi i’u gjetën në mjetin me të cilin udhëtonte një sasi e konsiderueshme municioni dhe një pushkë Remington.Ndaj shtetasit Idriz Murati është marrë masa e arrestit, me qëllim ekstradimi drejt Kosovës.