Trafik njerëzish në Amerikë me pasojë vdekjen, kapet autori në Kukës
Wed 5 Oct 2011 - 14:03
![Trafik njerëzish në Amerikë me pasojë vdekjen, kapet autori në Kukës Policia_arrest](https://2img.net/h/www.lajmifundit.com/lajme/wp-content/uploads/2011/10/policia_arrest.jpg)
Tirane – Lajmifundit – Policia e shtetit me anë të një deklarate, dha sqarime sot për arrestimin e shtetasi Hektor Kelmendi, i kërkuar në SHBA i cili ra në pranga në Kukës.
Strukturat e Drejtorisë Rajonale të Policisë Kufitare dhe Migracionit Kukës në bashkëpunim me Drejtorinë e Bashkëpunimit dhe Koordinimit Ndërkombëtar në Policinë e Shtetit bënë të mundur arrestimin e një prej personave më të kërkuar nga Shërbimet e Emigracionit të Shteteve të Bashkuara të Amerikës shtetasin Hektor KELMENDI, alias Deme NIKQI, vjeç 53, lindur në Pejë/Kosovë, i pajisur me pasaportë serbe.
Ky person ishte shpallur në kërkim ndërkombëtar nga Interpol Uashington, pasi mbi të rëndojnë një sërë akuzash për kryerjen e krimeve shumë të rënda si organizim të emigracionit ilegal, plagosje me pasojë vdekjen, gjymtim dhe vrasje, si dhe organizim të trafikut të qenieve njerëzore.
Gjykata e Rajonit Lindor të Nevv York me datë 19 maj 2010 ka lëshuar Urdhrin e arrestit për këtë shtetas, për këto vepra penale:
- “Nxitjen e të huajve për të hyrë në territorin Amerikan me pasojë vdekje” një herë,
- “Nxitje ndaj një të huaji për të hyrë në territorin Amerikan duke shkaktuar dëmtime të rënda trupore dhe vënien në rrezik të jetës”, 3 herë
- “Kotrabandë të huajsh”, 13 herë,
- “Nxitjen e të huajve për të hyrë në territorin Amerikan”, 10 herë,
- “Konspiracion për të sjellë të huaj në territorin Amerikan” një herë,
I shumëkërkuari Hektor Kelmendi është kapur sot në Pikën e Kalimit Kufitar Morinë nga strukturat e policisë teksa po tentonte të hynte në territorin shqiptar. Nga verifikimi në sistemin e kërkimit të Interpol, si dhe nga verifikimet e kryera nga Drejtoria e Bashkëpunimit dhe Koordinimit Ndërkombëtar me autoritetet amerikane të zbatimit të ligjit ky shtetas rezultoi i kërkuar në nivel ndërkombëtar.
Drejtat e ktij Forumit:
Ju nuk mund ti përgjigjeni temave të këtij forumi
|
|