Zjarret djegin mbi 100 HA në Pukë e Berat, rrezikohet fshati i izoluar

Tue 13 Sep 2011 - 15:27

Vatrat e zjarreve dogjën sot më shumë se 100 hektarë pyje në Dibër. Si pasojë e përhapjes së flakëve mësohet se është në rrezik fshati Dushaj.Zona ku ka rënë zjarri në Bulqizë, sipas policisë, e bën ndërhyrjen e zjarrfikësve të pamundur.Ndërkohë po sot ka pasur zjarr në kodrat e mbjella me pisha në rrethin e Beratit në lagjen Muzeale “Kala”.Flakët të ndihmuara dhe nga era, janë përhapur me
shpejtësi duke përfshirë kodrën e gjelbëruar. Në vendin e ngjarjes kanë shkuar pa humbur kohë mjetet zjarrfikëse të cilat kanë punuar për lokalizimin e flakëve të zjarrit që deri gjatë pasdites janë përhapur në përmasa të mëdha duke vënë në rrezik dhe objektet e rëndësishme turistike të zonës. Flakët e zjarrit tashmë janë vënë nën kontroll. Ende nuk dihen shkaqet e rënies së këtij zjarri të madh.Drejt vendit të ngjarjes tashmë kanë mbërritur dhe ekspertë të policisë, të cilët kanë filluar hetimet për të zbuluar shkaqet e rënies së këtij zjarri.