Bashkia e Tiranës: Të lirohen trotuaret deri më datë 1 tetor

Sun 25 Sep 2011 - 14:08

Bashkia e Tiranës kujton edhe një herë tregtarët, ambulantët, dhe subjektet, të licensuar ose jo, të cilët ushtrojnë aktivitetin e tyre në trotuaret e qytetit, të lirojnë hapësirat publike që ata kanë zënë, deri me datë 1 tetor të këtij viti.Bashkia e Tiranës, u kërkon edhe pronarëve të lokaleve, bareve dhe restoranteve, të cilët kanë zënë trotuaret e qytetit dhe rrugët e kalimit me tavolina, të
lirojnë edhe ata hapësirat publike deri më datën 1 tetor të këtij viti.Bashkia e Tiranës kërkon mirëkuptimin dhe bashkëpunimin e këtyre subjekteve. Kjo masë merret në shërbim të qytetarëve të Tiranës dhe të krijimit të hapësirave dhe lehtësirave që u takojnë qytetarëve.Bashkia e Tiranës është e vendosur të zbatojë ligjin, nëse nuk do të respektohet ky afat.