Flaka Krelani me hite gjatë vjeshtës

Flaka Krelani ka thënë në një bisedë të shkurtër për Express se ajo është duke u përgatitur më të madhe që të jetë sa më “in” me hite gjatë kësaj vjeshte.

Kështu ajo është duke punuar qysh tani për realizimin e një klipi të ri.

“E kemi përfunduar një këngë me MC Kreshën dhe Rina Abdylin dhe pritet që asaj t’ia realizojmë edhe videoklipin”, ka thënë Flaka për Express.

Ajo ka thënë se më shumë është duke u marrë me studime kohëve të fundit, edhe pse muzikën nuk e ka lënë pas.

“Këtë vit nuk do të marr pjesë në asnjë festival, pasi që nuk e kam menduar një gjë të këtillë”, ka thënë Flaka.

Flaka Krelani këtë vit nuk ka qenë shumë e pranishme me këngë sikurse viteve të kaluara në festivale të Shqipërisë, ndërkaq disa herë ka pasur paraqitje në emisionin “Oxygen Show”, që prezantohet nga bashkëqytetari i saj Besim Dina.