Viti i ri akademik, kamera vëzhgimi në konviktet e universiteteve

Masa të forta sigurie janë marrë në konviktet e universiteteve në Tiranë në prag të nisjes së vitit të ri akademik. Te gjitha hyrje daljet e studenteve ne konvikte, do te monitorohen me kamera.
Ky sistem kontrolli instalohet për here te pare ne qytetin studenti numër 2 ne tirane, qe ndodhet, pas fakultetit te “Inxhinierisë se Ndërtimit”. Me miratimin e prindërve, drejtuesit e ndërmarrjes studentore, kane vendosur dy kamera për çdo godine, një ne hyrje te saj dhe një brenda ne holl.
Sipas drejtorit Luciano Qafoku ato do te kontrollojnë non stop lëvizjet e studenteve edhe pas orës 23. Rreth 10 mije te rinj pritet te strehohen ne qendrat studentore te tiranes. Kapacitetin me te madh e mban Qyteti Studenti ne hyrje te tiranes me 6500 vende dhe me pas konviktet e “21 Dhjetorit”.
Te dyja ndërmarrjet janë ne gare për plotësimin e kushteve, për studentet ndërsa diferencën e bën tarifa e strehimit, ku ne qytetin studenti është 5 mije leke me e shtrenjte.