Aksidentohen aktorët në autostradën Durrës-Tiranë, jashtë rrezikut për jetën

Në orët e para të mëngjesit të sotëm ka ndodhur një aksident automobilistik në autostradën që lidh Durrësin me Tiranën. Nga burimet e para mësohet se ngjarja ndodhi në orën 4 të mëngjesit kur një automjet në të cilin udhëtonin aktorët e njohur: Hervin Çuli, Eralda Çaushi dhe drejtuesi i mjetit E.SH ka dalë nga rruga dhe ka përfunduar në një kanal duke shkaktuar plagosjen e tre personave. Dy aktorët e teatrit ‘Aleksadër Moisiu’ në Durrës kishin premierë në teatrin e Durrësit me veprën ‘Sweta 51 në hotel Piazza’. Te tre personat janë dërguar në spital dhe ndodhen jashtë rrezikut për jetën.