Vodhi 250 mijë lekë në kazino, pranga 17 vjeçarit në Shkodër

Policia e Shkodrës ka bërë të mundur arrestimin e një shtetasi 17 vjeçar i cili dyshohet të jetë autori i grabitjes së djeshme me maskë dhe armë të kazinosë në qendër të qytetit. Vetëm pak orë pas grabitjes policia ka bërë të mundur arrestimin e 17 vjeçarit të identifikuar me inicialet E R, banues në lagjen “Partizani” të qytetit. Ngjarja për të cilën bëhet fjalë ndodhi dje kur në sheshin “2 Prilli” personi i maskuar hyri në ambientet e brendshme të kazinosë dhe vodhi nën kërcënimin e armës shumën prej 250,000 lekësh të reja.