Athinë, 70 mijë në protestë, qindra plagosen nga policia

Përleshje të shumta me policinë kanë ndodhur në mes të një greve 48 orëshe që ka paralizuar Greqinë.
Policia ka përdorur gaz lotsjellës kundër protetsuesve, por nuk i ka dalë të mbajë nën kontroll indinjatën e tyre. Protestestuesit i vunë zjarrin një vendroje presidenciale jashtë parlamentit ndërsa një person u mbulua nga flakët e një bombe molotov.
Bëhet fjalë për protestën më të madhe të dy viteve që kur nisi kriza, kjo e kësaj të mërkure në Athinë, Mbi 70 mijë persona u mblodhën në sheshin Sintagma, jashtë parlamentit, ndërsa deputetët përgatiten të votojë paketën e re të masave të kursimit të Qeverisë papandreu. Kjo paketë ka ndezur zemërimin e qytetarëve, të cilët duket se nuk po dinë se cfarë të bëjnë më që të ndalin shkurtimet e reja në buxhet dhe prekjen e vendeve të tyre të punës.
Kriza greke po kërcënin qëndrueshmërinë e euros dhe huadhënësit ndërkombëtarë të Athinës po kërkojnë masa gjithnjë e më të ashpra për të arritur reduktimin e deficitit. Por, Athina nuk po mundet të përmbushë objektivat e kërkuara, duke u detyruar kohë pas kohe të shtrëngojë edhe më shumë rripin e shpenzimeve. Ministri i Financave, Evanxhelos Venizelos tha se paketa e Qeverisë duhet të miratohet me patjetër për të parandaluar përkeqësimin e situatës.
“Na duhet të shpjegojmë për qytetarët, për njerëzit që na kanë dhënë mandatin të veprojmë në emër të tyre, se fatkeqësisht është absolutisht e nevojshme të kalojmë përmes kësaj faze në mënyrë që të ndalim më të keqen”, tha Venizellos.
Qeveria Papandreu përballet me kundërshti edhe nga radhët e PASOK, por sipas gjasave, i ka votat e nevojshme për ta miratuar planin e kursimit, sipas të cilit parashikohen taksa më të larta, shkurtime të mëtejshme të pensioneve dhe rrogave si dhe anulimin e kontratave kolektive të punës. Plani parashikon edhe pezullimin e 30 mijë nëpunëve civile, që do të kalojnë në rezervë. Greqia e gjen veten me papunësi të lartë, ekonomi në stanjacion dhe një borxh qeveritar 162 për qind të prodhimit të brendshëm bruto.