Kryeministri Berisha viziton vendlindjen, nesër mbërrin në Tropojë

Kryeministri Sali Berisha ka vendosur që të kryejë një vizitë në vendlindjen e tij. Konfirmohet zyrtarisht se shefi i mazhorancës do të udhëtojë ditën e premte drejt qytetit të Tropojës. Mësohet se në orën 10:00 të mëngjesit ai do të marrë pjesë në inaugurimin e aksit Bajram Curri-Ragam Kam, Tropojë. Segmenti që do inaugurohet përbën Lotin e 1 ndërsa shkon 17 kilometra. Loti i dytë është rreth 15 kilometra të tjera. Vizita e Berishës në Tropojë merr një vlerë shtesë për shkak se në vitet e demokracisë vizitat e tij në vendlindja kanë qenë të limituara. Kryesisht mungesa e tyre jo zyrtarisht është justifikuar me probleme sigurie por një moment i tillë duket i tejkaluar nga kryeministri.