Berisha: I them anti-globalistëve se nuk keni të ardhme

Kryeministri Berisha gjatë një vizite në qytetin e Durrësit ka hedhur sërish akuza ndaj programit të PS-së për rritjen e taksave ndaj të pasurve.

Nga Porto Romano ku mori pjesë në inagurimin e impiantit të ri të biokarbureve.
Kreu i qeverisë u shpreh se qeveria që ai drejtonte do të bënte gjithçka për mjedisin ndërsa nuk la pa sulmuar edhe alencën kundër plehrave të cilët sipas tij nuk ka të ardhme por është një aleancë e dëshpëruar.

“I them anti-globalistëve se nuk keni të ardhme. Se aleanca juaj e fundit e plehut është e dëshpëruar dhe e pashpresë. Se ju nuk promovoni aspak pavarësisht pozicionit, mjedisin e shëndetshëm. Mos kërkoni vota në plehra se nuk do t`i gjeni” ka shtuar Berisha.

Këto deklarata janë bërë nga kryeministri në ceremoninë e inagurimit të impiantit të ri të biokarbureve, investim ky rreth 5 milionë euro dhe me një kapicitet prodhimi prej 1 mijë tonë në vit. /albeu.com/