Kriza, ndertuesit: Paguani dy apartamente, merrni tre

“Kush blen apo gjen kliente per te blere dy apartamente, perfiton nje hyrje falas!".Kjo eshte oferta e re qe kane nisur te aplikojne disa ndertues ne qytetet Korçe e Pogradec, te ndodhur perballe uljes se ndjeshme te shitjeve dhe stokut ne rritje te apartamenteve. "Perballe pasojave te krizes, kerkesave per blerje nga klientet perhere ne ulje, ne jemi te detyruar te ulim vleren e apartamenteve pothuaj ne koston e ndertimit, e njekohesisht te gjejme menyra te tjera per te frenuar stokun e objekteve. Po perballemi me nje situate teper te veshtire dhe po shkojme drejt falimentimit",- pohon Dashamir Purba, nje nga ndertuesit vendas.

POGRADEC
Sipas statistikave te peraferta, apartamentet stok ne qytetin e Pogradecit jane kryesisht ne zonen buze liqenit. "Nuk ka nje shifer te sakte, pasi ndertime ka vazhdimisht, ndonese shitjet jane te pakta. Por vetem ne Pogradec numri i apartamenteve te pashitura eshte rreth 1500. Sipas situates, mendohet qe ne te ardhmen, ky numer te vazhdoj te rritet",- shton ndertuesi Purba.

KORÇE
Burime per "Gazeta Shqiptare" konfirmojne se e njejta situate eshte dhe ne qytetin e Korçes. I njejti burim shton se "gjate muajve te fundit, per shkak te krizes, numri i apartamenteve te shitura pothuaj numerohet me gishtat e dores". Mesohet se ne qytetin e Korçes, numri i apartamenteve te mbetura stok eshte me shume se 1000. Blloqet e pallateve jane kryesisht ne lagjet periferike, por ka dhe afer qendres se qytetit. Ndertuesit pohojne se stoku i apartamenteve per shkak te krizes e mungeses se fuqise blerese, po e ve ne veshtiresi ekstreme biznesin e tyre, veçanerisht ne shlyerjen e kredive dhe te treteve.