Meshari i Gjon Buzukut vjen në Shqipëri

Tiranë - Selia e Vatikanit ka pranuar së fundi kërkesën e qeverisë shqiptare për të sjellë në Shqipëri kopjen origjinale të librit të parë shqip, Mesharin e Gjon Buzukut me rastin e 100 vjetorit të pavarësisë. Lajmi konfirmohet nga Kardinali Gianfranco Ravasi, ministër i Kulturës dhe Arteve në Vatikan, i cili ndodhet në Shqipëri për një vizitë pune tre ditore, ku dhe është takuar me ministrin shqiptar të Kulturës Aldo Bumçi, ka raportuar Newz24.

“Besoj që kjo do të jetë e mundur, ndërkohë që proceduara i është caktuar tashmë bibliotekës Apostolike të Vatikanit, po ashtu do të mbështetet edhe nga ne. Do të jem i lumtur që do të mbështes një iniciativë të tillë, megjithëse në këtë mes ekzistojnë protokolle të veçanta që kanë të bëjnë me nxjerrjen jashtë të objekteve dhe materialeve të rëndësisë së veçantë”, tha Ravasi.

Libri që nga viti 1555 kohë kur është shkruar ka kaluar dorë më dorë në shumë biblioteka në Itali dhe që prej 1909 Meshari është rizbuluar nga priftërinj shqiptar në biblotekën Apostolike të Vatikanit.

Ndërsa ka dhënë garancitë e tij për veprën e rrallë dhe me vlerë për mbarë kombin shqiptar, kardinali Gianfranco Ravasi gjatë takimit me ministrin e Kulturës Aldo Bumçi ka prezantuar një tjetër projekt të Vatikanit, ku synohet krijimi i një diskutimi dhe debati rinor me temë “Në çfarë beson ai që nuk beson”, ku do të përfshihen studentë të Universitetit të Tiranës dhe Universitetit Zonja e Këshillit të Mirë. /koha/

Me ne fund shtetit i mbetet te na sjell perkrenaren e Skenderbeut dhe Shpaten

Istogali shkruajti:Me ne fund shtetit i mbetet te na sjell perkrenaren e Skenderbeut dhe Shpaten

Jane sjelle, kam hap dhe teme per kete.

Ne te vertet gabova, nuk jane sjelle por do sillen...