Si ta diktojmë që bebja është sëmurë

Si prindër të rinj që jeni, keni kaluar 9 muaj duke u përgatitur që të mirëprisni beben në shtëpinë tuaj.



Megjithatë,ndoshta nuk jeni e përgatitur për të kuptuar se kur bebja është sëmurë dhe si të menaxhoni situata të tilla kur ai/ajo ka nevojë për ndihmë.



Më poshtë janë 8 shenja sëmundjeje për foshnjat nën 6 muaj, dhe këshilla të përgjithshme se kur keni nevojë vërtet për të thirrur një mjek.



Temperaturë - Vetë temperatura nuk është sëmundje, por është përgjigja e bebes ndaj një sëmundje- zakonisht ndonjë infeksioni.



Telefonojini doktorit nëse foshnja është më i vogël se 3 muaj dhe ka temperaturë rektale mbi 38 gradë, ose nëse bebja juaj është mes 3 dhe 6 muajsh dhe ka temperature mbi 38 e tre gradë Celsius.



Edhe nëse temperature është më e ulët se këto, telefonojini mjekut nëse bebja ka skuqje, irritohet,nuk do të ushqehet, mezi mer fryme, qafë të ngurtë, vjellje ose diare të vazhdueshme, dhe tregon shenja dehidratimi.



Dehidratim - Dehidratimi mund të ndodhë nëse bebja nuk po ushqehet siç duhet, ka temperaturë, është në një mjedis shumë të ngrohtë, ose ka diare dhe vjellje të vazhdueshme.



Mund ta dalloni dehidratimin nëse bebja ka gojën ose mishrat e thatë, e lag pampersin më rrallë, nuk nxjerr lot kur qan ose kur fontaneli( pjesa e butë në majë të kokës) duket sikur po zhytet ngadalë.



Nëse mendoni se bebja është i dehidratuar telefononin mjekun.



Diare - Diarea është e zakonshme tek të miturit, por telefononi mjekun nëse ;shihni gjak në jashtëqitje( e cila mund të duket e kuqe e ndezur, ose akoma më keq, e zezë), bebja bën çiçin më shumë se 6 herë në ditë ose nuk pinë lëngje, ose tregon shenja dehidratimi.



Vjell - Të miturit zakonisht nxjerrin pështymë, por duhet të shqetësoheni nëse vjell shpesh. Vjellja nuk është serioze nëse ndodh vetëm një ose dy herë.



Gjithsesi, nëse ndodh më shpesh, përmban gjak ose është jeshile në ngjyrë, ose nëse bebja duket i dehidratuar, telefononi mjekun.



Vështirësi në frymëmarrje - Nëse bebja ka probleme në frymëmarrje, duhet të telefononi mjekun urgjentisht.



Shenjat e mëposhtme tregojnë se bebja ka probleme me frymëmarrjen:



- Bebja merr frymë më shpesh se zakonisht



- Indi midis brinjëve, poshtë dy kockave të shpatullave, ose në pjesën e sipërme të barkut thithet brenda kur bebja merr frymë.



- Koka e bebes rri e varur



- Buzët ose lëkura e bebes merr ngjyrë të kaltër.



Skuqje, rrjedhje ose gjakderdhje



Nëse kërthiza e bebes tuaj ose penisi i skuqet, ka rrjedhje ose nxjerr gjak, njoftoni menjëherë mjekun.



Këto janë shenja të një infektimi.



Puçrra - Puçrrat( me skuqje lëkure), janë normale tek bebet, por telefonojini një mjeku nëse puçrrat mbulojnë një pjesë të madhe, sidomos në fytyrë, ose shoqërohet nga temperaturë, rrjedhje, gjakderdhje ose ënjtje, ose nëse puçrrat duken të infektuara.



Të ftohtit - Infeksione të frymëmarrjes shkaktohen nga një virus dhe janë të shpeshta tek të miturit.



Zakonisht zgjasin 1 ose 2 javë duke u shoqëruar me rrjedhje hundësh, temperaturë dhe oreks të dobët për disa ditë, dhe një kollë që mund të zgjasë 2 deri në 3 javë.



Simptoma më të rënda kërkojnë kujdesin e mjekut.



Telefonojini mjekut nëse



- Temperatura e bebes është më e lartë se 38 për të miturit nën 3 muaj ose më e lartë se 38 e tre për të miturit midis 3 dhe 6 muaj.



- Nëse bebja ka skuqje dhe vështirësi në frymëmarrje përshkruar si më sipër.



- Bebja juaj grindet dhe qan shumë.



- Kolla e bebes tuaj është e rëndë e nuk pushon, ose nëse nxjerr dhe gjak.



- Bebja po vjell.



- Simptomat e bebes zgjasin më shumë se 2 javë.



- Së fundmi, në të gjitha rrethanat, në qoftë se ju jeni shumë e shqetësuar pasi fëmija juaj duket me të vërtetë i sëmurë, besojini instinkteve tuaja dhe thirrni mjekun. Lajmonline