Trafiqet, shqiptari vrau shqiptarin, i theri fëmijën, i paguar nga një grek

Policia greke ka zbardhur vrasjen makabre të shtetasit shqiptar Filip MEsaja, 35 vjeç dhe djalit të tij Olgertit, 3-vjeç të cilët u gjetën pa jetë në makinë më 29 nëntor të këtij viti në Kallamata.
Sipas hetimeve, dyshohet se në vrasje është e implikuar një organizatë kriminale e përbërë nga 14 grekë e shqiptarë, ndër të cilët 8 janë arrestuar dhe 6 janë në kërkim.
Grupi është i skeduar për trafik droge dhe shantazhe ndaj biznesmenëve dhe sipas policisë, Fillim Mesaja kishte marrëdhënie të paligjshme me anëtarët e kësaj organizate.
Sipas hetimeve, vrasja ka për autor një shqiptar i cili është paguar nga një shtetas grek për të kryer krimin.
Dorasi i ngjarjes, është arrestuar, ai është një 29 vjecar, i cili u kap në Porto Raftis të Athinës, pas një operacioni policor të organizuar të Njësisë speciale anti-terroriste.
Shqiptari i kishte telefonuar viktimës, e ka nxjerrë në pritë atë, e ka vrarë dhe më pas ka masakruar edhe fëmijën.
Në dëshminë e tij, shtetasi 29-vjeçar ka thënë se vrau shqiptarin dhe theri fëmijën e tij. Dyshohet se autori i kësaj ngjarje, ka kryer edhe dy vrasjeve të tjera me pagesë më parë në vitin 2008 dhe 2009, ku viktima të tij ishin dy shtetas grekë.
Urdhëruesi i vrasjes së emigrantit shqiptar dhe fëmijës 3 vjec, është greku Vasilis Varelas, i skeduar për aktivitet kriminal në Greqi, i dënuar për vrasje dhe trafik droge, ndërkohë është shpallur në kërkim edhe vëllai i tij binjak, Kristos Varelas.
Shkak i serialit të krimeve ka qenë implikimi i përbashkët i grekëve e shqiptarëve në trafik droge.