SHBA: Barack Obama, Presidenti "HiTech"

Presidenti i Shteteve të Bashkuara të Amerikës, Barack Obama mund të cilësohet ndryshe si presidenti hitech.

Në nivelin global, përkrahësit e revolucionit teknologjik do t’ju tregojnë që teknologjitë informative janë përdorur me sukses nga Barack Obama për tu zgjedhur President i SHBA-ve.

Një pjesë e madhe e suksesit të fushatës presidenciale të Presidentit të SHBA-ve, Barack Obama në vitin 2008 i atribuohet rrjetit social Facebook. Pa këtë sukses, fushata presidenciale por edhe zgjedhjet amerikane me siguri se do të kishin një përfundim të ndryshëm.

Por, Obama ka zgjedhur të suprizojëe sërish pasi ai ka zgjedhur të japë sot intervistën e tij të parë të plotë virtuale nga Shtëpia e Bardhë, duke iu përgjigjur pyetjeve përmes faqes së internetit YouTube dhe rrjetit social Google+.

Një njoftim zyrtar për media Shtëpia e bardhë sqaron se pyetjet janë dërguar dhe votuar nga 225 mijë njerëz në YouTube.

Obama planifikon që të diskutojë me ta fjalimin e tij vjetor të 24 janarit, në të cilin u fokusua në vendet e reja të punës dhe ekonominë amerikane. /albeu.com/