Korçë, vdes nga i ftohti punëtori i mirëmbajtjes së rrugëve

Korçë, 6 shkurt 2012, NOA- Punëtori i mirëmbajtjes së rrugëve është gjendur i vdekur mbrëmjen e sotme në qytetin e Korçës.

Siç informon agjencia e lajmeve NOA.al, 64 vjecari Ahmet Metollari është gjendur i pajetë pak çaste më parë nga kolegë të tij, i shtrirë në mes të të ftohtit.

Nga të dhënat paraprake rezulton se ka qenë moti i keq dhe i ftohti i acartë ai që i ka shkaktuar vdekjen punonjësit të ndërmarrjes së rrugëve nacionale.

Thuhet se Metollari ishte nisur nga fshati i tij Gjonomath drejt Voskpojës në krye të detyrës, por i ftohti vrasës i ka marrë jetën duke e bllokuar në mes të rrugës.

Qyteti i Korçës në jug të vendit, krahas atyre në veri është ndër qytetet që regjistron temperaturat më ulëta të këtyre ditëve, ku reshjet e dëborës dhe akulli prej më shumë se një jave kanë pushtuar gjithë këtë qark.

a.y/NOA