Punëtori i dëshpëruar “qan hallet” në Facebook: "Do vdes me siguri”

"Deri në raportin e ardhshëm disiplinor, jeta ime do të përfundojë përgjithmonë".Ky është apeli dramatik që një punëtor i Ilvas në Itali, ka publikuar në Facebook.Një profil vërtet dramatik është cilësuar nga mediat italiane ai i tiji, ku shkruhet gjithashtu se shpresonte që të ndihmoheshin edhe punëtorët e tjerë si ai.Saverio Farilla, është emri i personit i cili prej vitesh udhëheq një betejë ligjore me kompaninë e çelikut ku punonte.Sindikalisti i njohur, ka mbrojtur idenë se është viktimë e abuzimit dhe ka denoncuar dështimin e sistemeve të sigurisë në sektorin ku ai punonte.Hetimi, megjithatë, nuk e ka ndjekur çështjen e tij, e cila tashmë rezulton vetëm si e arkivuar dhe kaq.

"Kur unë jam në punë, - shkruan ai në faqen e tij në Facebook, - shpenzoj orët e mia me frikën nga çdo ankesë disiplinore. Duhet që të vdesë patjetër dikush që të zgjohet ndonjë gjykatës apo politikan”.

Fjalë të rënda, një britmë e dhimbjes dhe ankesa që mbërrijnë nga një njeri i dëshpëruar.

"Klienti im, - shpjegon avokati i tij, - mezi bën një jetë të vështirë. Ai vuan nga depresioni i rëndë dhe shpesh është i detyruar të kalojë periudha të gjata të sëmundjes në shtëpi".

e.t/NOA